Skipasøga
Dragin varð smíðaður í Keypmannahavn í 1945 var var góð 25 tons. Við ársbyrjan í 1946 keypti Ingvard Martin Jacobsen í Leirvík bátin. Varvasteinur FD 72, sum Ingvard Martin kallaði bátin, royndi við snurriváði í Norðsjónum fyrstu árini. Í 1953 keypti Esmar Fjallstein í Leirvík Varvastein og læt hann í 1955 leingja á bedingini í Fuglafirði. Sama árið keypti Kjølbro Varvastein og nevndi hann Dragan KG 181. Fleiri ár seinni, í 1964, seldi Kjølbro Tórhalli Andreasen og Gormi Simonsen bátin. Dragin FD 481 fekk heimstað í Fuglafirði. Eigaraviðurskiftini broyttust aftur nakrar ferðir til 1986, tá ið Grímur Lassen í Klaksvík keypti Dragan, ið fekk nummarið KG 212.
Báturin fekk upphøggingarstuðul í 1991 og varð strikaður sum fiskiskip. Tá keypti Hans Eli Hansen í Klaksvík bátin og seldi hann aftur til grunnin ”Dragan KG 212”. Endamálið var at umvæla og umbyggja farið til skúlaskip og at skapa áhuga fyri føroyskari sigling sum heild.
Farið varð av umbyggja Dragan í 1992, og í ellivu ár arbeiddu dragamenninir, sum teir vórðu róptir, miðvíst fram ímóti máli sínum. Skipið varð fullkomiliga tømt, eisini garneringina tóku teir burtur, so bara sjálvur skrokkurin stóð eftir. So fóru teir at smíða og kalfatra. Manningin gjørdi alt sjálv, eisini matrum og bummum tók hon sær av. Summarið 2003 var endiliga komið á mál. Dragin hevur seglføring sum galeasa, motorurin er ein 210 hesta Volvo Penta, koyggjurnar eru tólv.
(Óli Olsen, Siglandi arvurin. Argir 2013).
Upprunalig nýtsla: Fiskiskip, útróðrarbátur við hjálpimotori, 32 tons
Ferðamannaloyvi: Ja, 30 ferðandi
Tilfar og tøkni: Skrokkur: Træ
Tøkni: Kravell
Yvirbygningur: Træ
Rigningur: Træ
Træsløg: Bond, stevni, kjølur: Eik
Klæðing yvir vatnlinju: Eik
Klæðing undir vatnlinju: Eik
Dekk: Douglas fura
Rundholt: Douglas fura
Framdráttarmegi: Segl, riggað sum kuttari
Eldri eigarar
Rena
20.03.1945-05.01.1946: RENA. A/S Boserup, Esbjerg, J.F. Boserup.
Varvasteinur
05.01.1946-12.07.1953: Ingvard M. Joensen, Leirvík.
12.07.1953-03.01.1955: Esmar Fjallstein, Leirvík.
Dragin
03.01.1955-03.06.1964: P/F Kjølbro, Klaksvík.
02.01.1986-18.11.1991: Grímur Lassen, Klaksvík.
18.11.1991-01.01.1992: Hans Eli Hansen, Klaksvík.
Nýtsla áður: Útróður undir Føroyum, við línu og snellu. Við snellu undir Íslandi um summarið.
Siglingarøki: Føroyar A1 øki
Ísland
Nýtsluætlan og miðlan
Endamál grunnsins er at varðveita M/B Dragan, so hann kann virka sum segl/skúlaskip hjá næmingunum á sjómansskúlunum, kokkaskúlanum og næmingum, sum velja lærigreinina Sjómanslæru í framhaldsdeildini í fólkaskúlanum. Soleiðis hevur hann virkað síðan 2002. Um summarið siglir Dragin við ferðafólki.
(Kelda: Søvn Landsins, 2017)
Søgan um Dragan
Ingvard Martin Joensen í Lorvík keypti við skeyti, dagfest í Keypmannahavn 5. januar 1946, ein útróðrarbát frá reiðaravirkinum Bosco.
Báturin varð bygdur í Keypmannahavn í 1945 á Københavns kutterværft. Hann var 46,8 føtur langur, 14,9 føtur breiður og 5,8 føtur djúpur. Báturin var 25,36 brutto registar tons.
Báturin fekk navnið Varvasteinur og varð skrásettur FD 72. Ingvard Martin Joensen hevði bátin í 7 ár.
Við skeyti, dagfest í Havn 10. desember 1953, keypti Esmar Fjallstein, fiskimaður í Lorvík, Varvastein frá Vinnulívsgrunni Løgtingsins. Sambært ikki -skrásettum skeyti, dagfest í Fútarættinum 3. januar 1953, hevði Vinnulánsgrunnurin keypt bátin á tvingsilssølu 3. januar 1953.
Pf. J.F. Kjølbro í Klaksvík var næsti eigari. Kjølbro kjeypti bátin við skeyti, dagfest í fútarættinum 12. juli 1955, eftir at báturin var seldur á tvingsilssølu 3. januar hetta árið. Varvasteinur fekk navnabroyting til Dragin og skrásetingarnummarið KG 181.
Sum so mong onnur skip og bátar fór hesin - sum tað sæst - undir hamarin. Krøvini vóru ikki altíð so stór. Hesa seinnu ferðina var tað Gjaldstovan, sum gjørdi úttøku. Sambært skipaskránni gjørdi Gjaldstovan "udlæg 25. mai 1954... i dette skib for kr. 755,38 kr. + 6,66 kr. + 35,00 kr. + 3,00 kr. tilmed yderligere påløbne renter og omkostninger".
Dragin varð longdur í Fuglafirði í 1955 til 55,2 føtur.
Nøkur ár seinni seldi Kjølbro Dragan. Við skeyti, dagfest í Havn 3. juni 1964, keyptu Tórhallur Andreassen fiskimaður í Fuglafirði og Gorm Símunarson Simonsen sjómaður í Havn bátin. Teir áttu hvør sína helvt. Hann fekk heimstað í Fuglafirði og varð skrásettur FD 481.
Teir seldu hann longu árið eftir. Við skeyti, dagfest í Havn 31. mai 1965, keypti Esmund Øre skipari í Fuglafirði hann. Tvey ár seinni varð Dragin aftur seldur. Emil Toftegaard fiskimaður í Fuglafirði og sonur hansara Margeir Toftegaard fiskimaður í Fuglafirði, keyptu bátin við skeyti, dagfest 9. januar 1967 í Havn. Teir áttu hvør sína helvt.
Margeir Toftegaard keypti helvtina hjá pápanum við skeyti frá 29. oktober 1981. Árið eftir seldi hann bátin. Við skeyti frá 26. juni 1982 keypti Fuglafjarðar Ísvirki Dragan.
Martin Petersen, stýrimaður í Fuglafirði, keypti bátin frá Ísvirkinum við skeyti, dagfest 27. september 1984. Tvey ár seinni fór Dragin aftur til Klaksvíkar. Grímur Lassen skipari í Klaksvík keypti hann við skeyti frá 2. januar 1986. Hann fekk skrásetingarnummarið KG 212.
Í 1991 fekk Dragin upphøggingarstuðul.
Tann 18. november 1991 keypti Hans Eli Hansen, lærari úr Klaksvík, Dragan. Tann 1. januar 1992 seldi hann Dragan til Grunnin "Dragin" - KG 212. Hesin grunnur varð stovnaður við tí endamáli at umvæla og varðveita Dragan og umbyggja hann til seglskip. Dragin skal nýtast sum skúlaskip hjá sjómansskúlanæmingum og næmingum í øðrum skúlum í Føroyum. Í summarfríðtíðini kann hann sigla útferðir við ferðafólki.
Skúlaskipið "Dragin" hevur seglføring sum galeasa, tvs. jagari, klyvari, fokka, stórsegl, mesanur, og tvey toppsegl. Samlaða seglvíddin er uml. 190 fermetrar.
Skipaslag: Seglskip/galease, umb. til skúlaskip
(Kelda: www.dragin.fo, 2017)
EIGARAR - Reiðarí - smb. www.faergelejet.dk
Rederi A/S Bosco v./ J.F. Boserup, København, Danmark (20. marts, 1945 - 5. januar, 1946)
Ingvard Martin Joensen, Lervig, Færøerne (5. januar, 1946 - 3. januar, 1953)
Det færøske lagting, Tórshavn, Færøerne (3. januar, 1953 - 10. december, 1953)
Esmar Fjallstein, Lervig, Færøerne (10. december, 1953 - 3. januar, 1955)
Det færøske lagting, Tórshavn, Færøerne (3. januar, 1955 - 12. juli, 1955)
J.F. Kjølbro, Klaksvik, Færøerne (12. juli, 1955 - 3. juni, 1964)
Torhallur Andreassen, Fuglafirði, Færøerne (3. juni, 1964 - 31. maj, 1965)
Esmar Fjallstein, Lervig, Færøerne (31. maj, 1965 - 9. januar, 1967)
Emil og Margeir Toftegaard, Fuglafirði, Færøerne (9. januar, 1967 - 29. oktober, 1981)
Margeir Toftegaard, Fuglafirði, Færøerne (29. oktober, 1981 - 26. juni, 1982)
Fuglafjarðar Ísvirki, Fuglafirði, Færøerne (26. juni, 1982 - 27. september, 1984)
Martin Petersen, Fuglafirði, Færøerne (27. september, 1984 - 2. januar, 1988)
Grímur Lassen, Klaksvik, Færøerne (2. januar, 1988 - 18. november, 1991)
Hans Eli Hansen, Klaksvik, Færøerne (18. november, 1991 - 1. januar, 1992)
Foreningen Dragin, Klaksvik, Færøerne (1. januar, 1992 - )
_ Klaksvík.png)
